باطل پہ تیری جانب سے جب بھی وار ہو گا (Whenever the strike against falsehood comes from your side)

 

باطل پہ تیری جانب سے جب بھی وار ہو گا

ممکن نہیں کے پلٹے، ایسا وہ خوار ہو گا

 

گُفتار تیری کوئی خنجر سے کم نہیں ہے

ہر لفظ تیرا باطل کے دل کے پار ہو گا

 

مانا ہے تجھ کو اھلِ علم و ہُنر نے رہبر

دانش پہ منکروں کی آیا غُبار ہو گا

 

تیرے پدر کے ہاتھوں، باطل ہُوا تھا رُسوا

اب تیرے دست و بازو سے یہ بھی خوار ہو گا

 

امن و اَماں کی خاطِر جب بھی ہَمیں پُکارے

ایما پہ تیرے جاں اور دل بھی نثار ہو گا

 

وقتِ سحر تو آنے دو ظُلمتِ کَدہ میں

ہر کوئی تیرے در پہ مِنّت گُزار ہو گا

 

میدان میں سیاست کے جب بھی بات ہو گی

سب لیڈروں میں تیرا ہی اعتبار ہو گا

 

عہدِ شباب و اوج و کردار کی حِکایت

جب بھی لکھے گا، ششدر نامۂ نِگار ہو گا

 

اِس اَنجمن میں جب بھی باتیں نباہ کی ہوں گی

اھلِ وفا میں تیرا بھی تو شُمار ہو گا

 

آشوب سے نہ بھاگیں گے عہد ہے یہ اپنا

جس کے بھی ہو گا "رضواں" سینے پہ وار ہو گا

 

محمد رضوان عباسی